Punctim ferire discebant

Legionaries from the Legio XIIII Geminata Martia Victrix, reenactors from A.C. Experimental Antiqva Clio - photo by Sergi V. Oliver, 2018. 

Praeterea non caesim sed punctim ferire discebant. Nam caesim pugnantes non solum facile uicere sed etiam derisere Romani. Caesa enim, quouis impetu ueniat, non frequenter interficit, cum et armis uitalia defendantur et ossibus; at contra puncta duas uncias adacta mortalis est; necesse est enim, ut uitalia penetret quicquid inmergitur. Deinde, dum caesa infertur, brachium dextrum latusque nudatur; puncta autem tecto corpore infertur et aduersarium sauciat, antequam uideat. (P. Flavius Vegetius Renatus, Epitoma rei militaris I, 12)

Venerem Genetricem

Temple of Venus Genetrix

 M. Varro...magnificat Arcesilaum, L. Luculli familiarem, cuius proplasmata pluris venire solita artificibus ipsis quam aliorum opera; ab hoc factam Venerem Genetricem in foro Caesaris et, priusquam absolveretur, festinatione dedicandi positam. (C.Plinius Secundus, Naturalis Historia XXXV, 59)

Feralem urnam tenens

Agrippina Landing at Brundisium with the Ashes of Germanicus (1768) by Benjamin West.

Postquam duobus cum liberis, feralem urnam tenens, egressa navi defixit oculos, idem omnium gemitus; neque discerneres proximos alienos, virorum feminarumve planctus, nisi quod comitatum Agrippinae longo maerore fessum obvii et recentes in dolore antibant. (G.Cornelius Tacitus, Annales III, 1)

Cave ne cadas

Mostellaria - Párodos Teatro, photo by Sergi V. Oliver (2018)  

Callidamates

Lépida es.

dúc me amabó.

Delphium

Cave né cadas, ásta.

Call.

O—o—ocellús meus, túos sum alumnus, mél meum.

Del.

Cáve modo, né prius ín via accúmbas,

quam ílli, ubi léctus est strátus, concúmbimus.

Call.

Síne, sine cádere me.

Del.

Síno, sed hoc, quod mi in manu est:

sí cades, nón cades quín cadam técum.

(T. Maccius Plautus,  Mostellaria I, 4)